Valle-Inclán e o teatro galego. A recepción da obra dramática de Valle-Inclán na dramaturxia galega (1916-1973)

Descripción

Cal é a pegada de Valle-Inclán no teatro galego? O dramaturgo Euloxio Ruibal analiza a influencia da estética valleinclaniana nos textos dramáticos dos nosos principais autores, a súa incidencia e significación na creación e desenvolvemento dunha dramaturxia nacional galega. O autor rastrexa en autores e textos de tres momentos: a Epoca Nós (Antón Vilar Ponte, Armando Cotarelo Valledor, Vicente Risco, Ramón Otero Pedrayo, Alfonso Rodríguez Castelao, Rafael Dieste e Alvaro das Casas), a dramaturxia producida no exilio ou emigración dende o final da Guerra Civil española até o ano 1964 (Eduardo Blanco-Amor, Luís Seoane e Isaac Díaz Pardo) e, finalmente, o teatro en Galicia entre 1939 e 1973 (Álvaro Cunqueiro, Jenaro Marinhas, Tomás Barros, Daniel Cortezón e Manuel María Fernández Teixeiro). O estudo de Ruibal non procura banais influencias de Ramón María del Valle-Inclán nos textos dramáticos de maior importancia e significación dos autores galegos contemporáneos, senón indagar, relacionar e confrontar eses textos cos do principal autor tomado como modelo a seguir na construción da nosa dramaturxia nacional.