Creación dramática, educación popular e construcción nacional. Galicia (1882-1936)

Descripción

Entre finais do século XIX e 1936 ten lugar en Galicia un proceso de definición da identidade e de construción nacional promovido por un movemento social e cultural que, na altura de 1931, se converte nun movemento político: o Partido Galeguista. Coa estrea do espectáculo A fonte do xuramento comeza un proxecto de promoción da creación dramática en galego, ámbito artístico que se configura como un instrumento privilexiado nos procesos de educación popular a través dos que se transmiten representacións da identidade, se formula unha idea de nación, se reescribe a historia e se presentan os contlitos sociais, económicos ou políticos que afectaban a aqueles sectores considerados depositarios das esencias nacionais: labregos e mariñeiros. Nese sentído, a literatura dramática tamén constituíu un instrumento fundamental na configuración dunha esfera pública galega e na construción dun contraespazo público desde o que formular un proxecto cultural e político que aspiraba a converterse en hexemónico.