(12)Ourense e a Galicia Meridional

Descripción

Con este duodécimo volume rematámo-la nosa volta a Galicia, visitando a cidade de Ourense e percorrendo as comarcas meridionais desta provincia ata a raia de Portugal. A primeira parte do volume vai dedicada á cidade de Ourense, de grande riqueza histórica e monumental.
Logo, seguindo a beira esquerda do Miño, atravesaremos terras do Ribeiro, Castrelo de Miño e Arnoia, ata chegar, pasado Cortegada, á antiga alfándega de Ponte Barxas. Os outros dous grandes itinerarios están ben definidos pola estrada que lles serve de arteria principal. O camiño de Portugal por Celanova, Bande eo val de Lindoso, e a estrada N-525 de Ourense á Gudiña, con varias desviacións dende Allariz, Xinzo de Limia e Verín, ata acada-los límites de Galicia na Portela da Canda. Estes itinerarios van de través contra a dirección natural dos vales da Arnoia, Limia e Támega, pero por razóns de tipo práctico seguímo-los trazados das estradas.