Ortografía da Lingua Galega

Descripción

A obra de BEGOÑA GONZÁLEZ REI segue impecablemente a doutrina establecida polo novo texto normativo da RAG do ano 2004, pero centrando a súa mirada nas necesidades do usuario: establece regras prácticas para a escritura correcta da nosa lingua (o que facilita a aprendizaxe para os non versados nos imbricados problemas da gramática histórica) e, ademais, explica e fundamenta as escollas ortográficas problemáticas.

Un dos aspectos que máis chaman a atención neste traballo é a súa claridade expositiva e a estruturación metódica dos contidos: parte da ortografía da letra, para posteriormente estudar a ortografía da sílaba, a ortografía da palabrae máis tarde a ortografía da frase.

Aínda que na obra se recolle a doutrina da RAG, en realidade a autora vai moito máis aló, e afronta cuestións non suficientemente tratadas nas Normas da nosa máxima institución lingüística, como, por exemplo, un tratamento polo miúdo sobre o uso das maiúsculas e minúsculas, ou sobre a grafía correcta das abreviaturas, das siglas, dos acrónimos e dos símbolos internacionais.

Na confección desta obra primou por riba de todo a súa utilidade práctica. É difícil que un problema ou unha dúbida, dos que tan a miúdo se nos presentan cando escribimos, non atopen resposta cumprida neste libro, e case sempre dunha maneira razoada e convincente.