Son para a «Unión Barcalesa de La Habana» (1907-2007)

Descripción

O Val de Barcala foi un viveiro migratorio. A Unión Barcalesa de La Habana representa a máis forte e senlleira entidade cultural-educativa dos emigrantes desta comarca galega no século XX. Creouse na capital cubana en novembro de 1907, e aínda ten vida de seu na actualidade. Trátanse nesta monografia, con base na documentación conservada e nas referencias bibliográficas e hemerográficas, así como noutros testemuños orais e documentais, varios temas relativos á Unión Barcalesa: nacemento, organización, análise das súas memorias e Libros de Actas, actividades, creación e funcionamento das tres escolas erguidas pola Unión en parroquias dos concellos de Negreira e A Baña.. Tamén se reflicte a situación máis recente desta sociedade, que chega a ser centenaria neste ano 2007 e constitúe a única colectividade organizada de emigrantes barcaleses no mundo.