Límites da paisaxe na Galicia dos Austrias (1517-1700) Historia da paisaxe, I

Descripción

A orientación do historiador da arte tradicional, preocupado principalmente polos grandes cadros, non fai xustiza ao que a paisaxe é en Galicia. Se se quere considerar axeitadamente o seu valor entre os galegos debe cambiarse a formulación. Non se trata tanto de catalogar pinturas, unhas boas e outras non, coma de historiar o fenómeno desde unha perspectiva máis ampla, unha perspectiva cultural. Un estudo en paralelo da literatura e da linguaxe, da xardinería e da iconografía, pode axudarnos a facelo. Os límites da paisaxe é o primeiro dunha serie de tres volúmes dedicados a perfilar a súa historia. Así mesmo, con el nace unha colección de libros, a coleccióón Novas paisaxes, que ten por obxectivo complementar os textos da colección Paisaje y teoría, cun conxunto de traballos centrados na paisaxe galega nas súas múltiples dimensións. FEDERICO LÓPEZ SILVESTRE é profesor de Historia das Ideas Estéticas na Universidade de Santiago de Compostela (USC) desde 1999. Premio extraordinario de doutoramento cunha tese dedicada á paisaxe. Entre as súas publicacións destacan o libro El paisaje virtual (2004) e, como editor, Nuevas visiones del paisaje (2006) e Paseantes, viaxeiros e paisaxes (2007). Ten dirixido varios proxectos financiados sobre as paisaxes contemporáneas, e, con María Luisa Sobrino, dirixe o Máster de Arte, museoloxía e crítica contemporáneas da USC. Así mesmo coordina a liña de traballo A construción da paisaxe do Centro Galego de Arte Contemporánea (CGAC).