Itinerarios seguindo o río Miño

Descripción

Desde o seu nacemento, na serra de Meira, ata a súa desembocadura na Guarda, regando o 40% do territorio galego, o río Miño, o «pai dos ríos galegos», acubilla un rico e variado patrimonio natural, monumental e cultural. Conta con paraxes «protexidas» como as Insuas do Miño ou con contornos modificados pola man do home, nos diversos encoros que -na maioría dos casos- alteraron importantes ecosistemas naturais. Un río cheo de lendas, que nos falan de feiticeiras e xanas que moraban nas súas augas. A través dos Itinerarios seguindo o rio Miño, Paco Armada, autor desta guía de viaxe, ofrécenos a posibilidade de coñecer e gozar das terras e do patrimonio que se estende a ambas as dúas ribeiras do Miño, incluíndo a parte do territorio na que compartimos o río con Portugal. Descricións detalladas dos itinerarios, con preto de 1.000 km de percorrido, localidades bañadas polas augas miñotas, monumentos, historia, áreas de lecer, excursións a lugares de interese, rutas de sendeirismo.. A guía nútrese, ademais, de mapas e máis de 400 fotografias que fan deste libro un reterente indispensable para o viaxeiro.