Historia arredor do Camiño Meridional de Santiago en Galicia

Descripción

Dende Chaves, en Portugal, ou Puebla de Sanabria, en Zamora, conflúen en Santiago…

Todo camiño resulta ser, ao longo do tempo e do espazo, un espiñazo vertebral da historia. Todos os feitos, maiores ou menores, se desenvolven ao longo dun camiño con persoas en movemento, dalgún xeito relacionadas entre si. De querermos interpretar os feitos e as persoas que os realizan, temos que saber deles e analizalos. Non é posíbel abranguer tanto, nin sobre o Camiño Meridional de Santiago, nin sobre outro, calquera que sexa, variadas e múltiples que son as manitestacións da vida, sempre en acción.
O Camiño Meridional abrangue a parte do meridiano e sur de España, que non dá precisamente a outro camiño máis ao norte, sexa o da Costa ou logo o chamado Francés. Un camiño distinto polo carácter inicial dos peregrinos e pola situación social en que se vian envoltos. Un camiño distinto por penosas circunstancias, que á súa vez se reflicten no carácter do camiño, de peregrinos ao fragor das armas, cun Santiago de espada protectora no canto dun bordón.