Contos de detectives (Os rivais de Sherlock Holmes)

Descripción

Coñece vostede a Flaxman Low, a Eugene Valmont, a Klimo ou a Zambra? iNon? Sen embargo, probablemente coñece a Sherlock Holmes. Pois ben, os anteriores -protagonistas dos relatos incluídos neste libro- foron algúns dos seus numerosos colegas. Foron, coma el, detectives privados no Londres de finais de século. Coma ocorría co seu famoso compañeiro, de todos e cada un deles pode dicirse -sen temor a trabucarse- que eran a mente máis privilexiada do seu tempo, o maior azoute de criminais, etc.; calquera superlativo acáelles ben. Conan Doyle, tamén presente no libro co magnífico relato O tren especial perdido, creou escola. Como di Jaureguizar no prólogo, «os sete imitadores de Conan Doyle compilados neste libro saben administrar a intriga ó longo do relato e facer que o lemental que sempre sorprendía o doutor Watson non o sexa ata o final e saben seguir, polo tanto, as ensinanzas dun mestre que (…) soubo cumprir unha das funcións fundamentais da literatura: entreter.»